Follow this blog

Friday, October 9, 2009

MAIN AUR DILLI

Woh subah-subah ki geeli os mein,
muskurate hue kaapna.
uss kad-kadati thand mein,
garma-garm khana kha razai ki
khushiyon tale dab jaana.

TV par nyunatam taapmaan dekh,
thand ka achanak badh jana.

Un mushkil se dikhne wali dhoop ki kirano ko,
aankhen moond gale lagana.

Inn yaadon ko ek potli mein baandh,
sang rakhunga apne,

wo pal waakai mein the,
ya the bas Dilli ke dikhay
kuch sunahre sapne?


Farvary ke aate hi,
sheher ke har phool ka achanak khil jana.

Har chowk-chowrahe par inn rango ko dekh,
maano mil jaye pyar karne ka bahana.

Garm kapdon ka dheere-dheere bakse mein chale jaana.


Fiza ka, nayee kitabon ki khushboo se bhar jana.

Inn yadon ko sarhane ke neeche chhipakar rakhunga apne,
wo pal waakai mein the,
ya the bass Dilli ke dikhay
kuch Sunahre sapne?

5 comments:

Sambit Kumar Pradhan said...

Lovely!! The quintessential Delhi!!

kshatriya harish singh said...

Thank you :)

Shweta said...

aisi dilli ki sair pehli baar ki.. thanks..:)

suman said...

Wow..wot a poem...harish..keep going

disha said...

nice...